Vakansieprogram
Ons het begrip dat Bybelonderrig nie meer as ‘n skoolvak aangebied word nie en dat besige gelowige ouers oorweldig kan voel om kinders Bybelgeletterd te kry.
Kinders is kosbaar vir die Here en ons hoop hierdie VAKANSIEPROGRAM maak hul lief om die Bybel te lees, Bybelstories te leer en te oefen om teksversies op te soek.
Geloofstroom word aangebied deur Herman, Emmie, Hanna en Emma de Kock, lede van Eden Gemeente.
Herman is ’n gekwalifiseerde leraar en gelegitimeerde prediker. Hy skryf maandeliks artikels vir Juig! tydskrif.
Ons is opgeleide en ervare jeugwerkers van ‘n inter-kerklike nie-winsgewinde bediening wat sedert 2017 ouers en gemeentes bystaan met Bybelonderrig vir jong maats op ‘n pret-en-speel manier.
Ons nooi jong maats uit na ons Julie VAKANSIEPROGRAM in George!
Ons gaan saam sing, speel, kuier en van die Bybel leer.
- 8-13 jariges (Maks 50 maats)
- 7 - 11 Julie 2025
- 10h00-13h00
- The Marshmallow Café, George
- R500 per kind (R100 per dag)
Voltooi per kind wat gaan bywoon:
Addisionele Inligting
- Elke kind bring saam eie papier Bybel, penne en koukies of potlode.
- Ander hulpmiddels en iets ligs om te eet sal voorsien word.
- Kinders moet al selfstandig genoeg wees om net afgelaai te word.
- Tieners/studente gaan help as groepleiers. Ons noem hul Roeiers.
- Ouers kry toegang tot alle Bybelonderrig materiaal wat ons deel.
- Kinders wat ál 5 dae bywoon ontvang ‘n sertifikaat.
- Maats mag selfone saambring, maar ons mag dit opneem tydens aktiwiteite, as dit pla.
- Program en aktiwiteite word in Afrikaans aangebied, maar ons mag ook Engelse liedjies sing en video’s kyk.
